قالو غابة ...صدقت لحد ما بقيت وحش

قالوا غـابـه كلها وحـوش

نافـق الناس تكون محبوب

مفيش مكان للمظلوم

رضيت بقانونها غصب عنى

و انا على آمرى مغلوب

حب وطيبه وحنيه...!!!

قولت ضعف والقوة فى الاسيه

كدبت وخدعت وسرقت...!!!

قولت بكره هتـوب

سهرت ورقصت شربت... وهيست

قولت ما انا بفك عن الهموم

بعدت عن حبايبى..... فى وقت ما كانوا محتاجين لى

قولت دول اغبيه مش عندهم عقول

عايزين حب وحنان وأخلاص

معنديش وقت غير عملت فلوس كام

علشان اعرف اعيش فى مركز كويس بين الناس

جريـت.... جريـت علشان الحق السباق

ضاع منى كتير بس مش مهم اكيد هعوض فى اللى جاى

فجأه لاقيت نفسى فى اخر الاطار

مكسبتش غير شويه فلوس وأرقام

بس يا خساره مفيش وقت أستمتع بالحياه

اصاحب الناس وانام وانا مرتاح البال

عرفت ساعتها بقيمه الحياه

والحاجات اللى ضاعات منى زمان

بقيت وحش من الوحوش

العيب مش فى الزمن

العيب فى انا

اصلى من ضعفاء النفوس

اللى قولنا على الكون غابه

مفيهاش مكان للغلابه

وايه حاجة نعلمها حق مشروع

مسموح بكل حاجة

الا الرجوع مش مسموح

هرجع انسان تانى....لا مش معقول

ما انا اللى صدقت من الاول القانون

علشان الوم على البشر والكون

وأقول ما الناس كلها كده

يعنى انا اللى هصلح الكون

يـارب أن ضـاعنـا عـن طريقنا

وماتـت الرحمه فى قلوبنا

فالموت اهون بكثير من حياتنا

ورحمتك وعفوك وغفرانك أملـنا

بس فى الزمن ده مش عاوز الانسان الطيب
الانسان الطيب ما ينفعش يعيش فى الزمن ده
والناس عايشه بينها وبين بعضها بالنفاق النفاق هو اللى ماشى دلوقتى
يمكن نفوس الناس اتغيرت
بس الناس بقيت وحشه اوى